Saamennettu suomen kieli ja kirjallisuus
Suomagiella ja girjjálašvuohta -oahppomeari earenoamáš dahkamuš
Suomagiella ja girjjálašvuohta -oahppomeari earenoamáš dahkamuš
(gč. Maid eatnigiella ja girjjálašvuohta -oahppomeari dahkamuš)
Suoma giella ja girjjálašvuohta -oahppomeari earenoamáš dahkamuššan lea ovddidit oahppiid suomagiela, máŋggalohkan- sihke vuorrováikkuhandáidduid ja oahpásmahttit girjjálašvuhtii ja kultuvrii. Oahpahus doarju oahppiid máŋggalohkandáiddu, gielladiđolašvuođa ja gielalaš identitehta šaddama. Oahpahusas bagadit oahppiid áddet suomagiela, girjjálašvuođa ja eará kultuvrra mearkkašumi ja sajádaga máŋggakultuvrralaš ja máŋggagielat oktasašgottis. Oahppiid bagadit fuomášit olggobealde skuvlla ohppon giella-, media- ja kulturdiđolašvuođa mearkkašumi suomagiela oahppama doarjjan.
Oahpahusas vuhtiiváldit suoma- ja ruoŧagielaid sajádaga riikkagiellan ja suomagiela sajádaga eanetlogugiellan ja váldooahpahusgiellan. Suomagiella lea earret oahpahusa čuozáhat maiddái gaskaoapmi eará oahppaávdnasiid oahpahusas, ja oahpahusas givrot guovddáš oahppama oahppamii ja jurddašeami dáiddut. Oahpahusas bargat ovttasbarggu suomagiella nubbin giellan ja girjjálašvuohta -oahppomeriin ja earáid eatnigiella ja girjjálašvuohta -oahppomeriiguin. Ohcejoga gielddas bargat ovttasbarggu earenoamážit sámegiella ja girjjálašvuohta -oahppomeriin. Oahppit oahpásmuvvet sámegillii, girjjálašvuhtii ja eará kultuvrii ja sii bagaduvvojit áddet ja árvvus atnit sámegiela, girjjálašvuođa ja eará kultuvrra mearkkašumi iežas eallinbirrasis.
Jahkeluohkáin 3–6 oahpahusa deaddu lea oahppamii oahppamis ja vuorrováikkuhandáidduid, lohkanberoštumi sihke njuovžilis ja máŋggabealat lohkan- ja čállindáidduid stáđásmahttimis. Teavsttaid dulkoma ja buvttadeami oktavuođas hárjánit dárkut giela iešvugiid ja girjjálašvuođa vugiid. Oanehis teavsttaid lohkamis ovdánit ollislaš girjjálašbarggu lohkamii ja lohkanvásihusaid máŋggabealat juohkimii.
Oahpahusas geavahit jahkeluohkáide 3-6 ráhkaduvvon suomagiella ja girjjálašvuohta -oahppomeari oahpahusa mihttomeriid ja sisdoallosurggiid ja árvvoštallankriteraid sihke eatnigiella ja girjjálašvuohta -oahppaávdnasa dábálaš oahppanbirrasiidda ja bargovugiide laktáseaddji mihttomeriid ja bagadeapmái, sierranahttimii ja doarjagii čállojuvvon rávvagiid. Buot jahkeluohkkáollisvuhtii 3-6 ásahuvvon mihttomeriide viggat vástidit guđege jahkeluohká oahpahusas váldimiin vuhtii oahppiid ahki ja dáidodássi. Maiddái mihttomeriide laktáseaddji sisdoallosurggiid viidodat ja gáibideaddjivuohta mearrašuvvet oahppi agi ja dáidodási mielde.
Suomagiela ja girjjálašvuođa oahpahusa riikkaviidosaš mihttomearit jahkeluohkáide 3-6 sihke daidda laktáseaddji riikkaviidosaš ja báikkálaš sisdoallosuorggit jahkeluohkáid mielde
Oahpahusa mihttomearit |
Mihttomeriide laktáseaddji riikkaviidosaš ja báikkálaš sisdoallosuorggit jahkeluohkáid mielde |
Viiddes máhttu |
Vuorrováikkuhandilálašvuođain doaibman |
|
|
T1 bagadit oahppi nannet dáiddus doaibmat konstruktiivvalaččat iešguđetlágan gulahallanbirrasiin ja ovdanbuktit oainnus |
3.-6. lk: Fállat máŋggabealat dilálašvuođaid hárjehallat iežas vásihusaid, jurdagiid ja oainnuid juohkima, earáid guldaleami ja konstruktiiva máhcahaga addima ja oažžuma sierra gulahallanbirrasiin. |
L1, |
T2 bagadit oahppi áicat iežas gielalaš ja kommunikašuvnnalaš válljejumiid váikkuhusaid ja vuhtiiváldit earáid dárbbuid joavkogulahallandilálašvuođain |
3.-6. lk: Hárjehallat ja áiccadit iežas vuorrováikkuhusa sierralágan gulahallandilálašvuođain, ovdamearkka dihte vieruid leat ustitlaš, čuozihit sáttasániid, geavahit jiena, váldit oktavuođa, doaibmat mihttomearálaččat, ovdanbuktit iežas oainnus ja vuođuštit dan vuhtiiváldimin earáid |
L1, |
T3 bagadit oahppi geavahit hutkáivuođas ja ovdanbuktit iežas máŋggabealagit iešguđetlágan gulahallan- ja ovdanbuktindilálašvuođain maid drámáin. |
3.-6.lk: Hárjehallat ovdanbuktinvugiid iešguđetlágan gulahallan- ja ovdanbuktindilálašvuođain
|
L1, |
T4 movttiidahttit oahppi ovddidit positiivva gulahalligovas sihke hálu ja návcca doaibmat iešguđetlágan, maiddái máŋggamediála vuorrováikkuhandilálašvuođain. |
3.-6.lk: Hárjehallat konstruktiiva máhcahaga addima ja oažžuma |
L1, |
Teavsttaid dulkon |
|
|
T5 bagadit oahppi lohkandáiddu njuovžilin dahkamii ja geavahit teavstta áddema strategiijaid sihke áiccadit ja árvvoštallat iežas lohkama |
3.-6.lk: Hárjehallat iešguđetlágan teavsttaid, dego čáppagirjjálašvuođa, diehtoteavsttaid ja gova ja teavstta ovttasteaddji mediateavsttaid, njuovžilis lohkama ja geavahit dilálašvuhtii ja mihttomearrái heivvolaš teavsttaáddema strategiijaid ja jurddašandáidduid.
|
L1, |
T6 bagadit oahppi ovddidit máŋggahápmásaš teavsttaid analyserema, árvvoštallama ja dulkoma dáidduid ja viiddidit sátne- ja doabaresearvvas sihke ovddidit jurddašandáiddus |
3.-6.lk: Oahppat earuhit muitaleaddji, govvideaddji, láidesteaddji ja oktageardánis bealiváldi teavsttaid gielalaš ja teakstuálalaš iešvugiid.
- oahppat vearbba sodjan persovdnahámiin ja áigehámiin (preseansa ja imperfeakta) |
L1, |
T7 bagadit oahppi dieđu skáhppomii, máŋggabealat diehtogálduid geavaheapmái ja dieđu luohtehahttivuođa árvvoštallamii |
3.-6.lk: Ohcat dieđu sierra gálduin |
L1, |
T8 movttiidahttit oahppi ovddidit girjjálašvuođadovdamuša ja beroštumis mánáide ja nuoraide oaivvilduvvon girjjálašvuođa, media- ja eará teavsttaid guovdu, láhčimiin vejolašvuođaid positiivva lohkanvásihusaide ja eallámušaide, diehtoáŋgirvuođa duhtadeapmái sihke lohkanvásihusaid juohkimii maid máŋggamediála birrasiin |
3.-6.lk: Lohkat ja guldalit ovttas ja ieš válljejuvvon mánáide ja nuoraide oaivvilduvvon girjjálašvuođa, maiddái olles girjjálaš bargguid vuhtiiváldimiin oahppiid ahki ja beroštumi čuozáhagat
|
L1, |
Teavsttaid buvttadeapmi |
S3 |
|
T9 roahkasmahttit oahppi ovdanbuktit vásihusaidis, jurdagiiddis ja oaiviliiddis ja nannet positiiva gova alddestis teavsttaid buvttadeaddjin |
3.-6.lk: Buvttadit sihke fiktiivvalaš ahte ii-fiktiivvalaš máŋggahápmásaš teavsttaid iežas vásihusaid, áiccuid, jurdagiid ja oainnuid sihke nuppiid teavsttaid vuođul |
L1, |
T10 movttiidahttit ja bagadit oahppi gielladit jurdagiiddis ja hárjehallat muitaleaddji, govvideaddji, láidesteaddji ja oktageardánis bealiváldi teavsttaid buvttadeami, maiddái máŋggamediála birrasiin |
3.-6.lk: Dutkat ja hárjehallat geavahit muitaleapmái, govvideapmái, láidesteapmái ja bealiváldi olggosbuktimii mihtilmas gielalaš ja tekstuálalaš iešvugiid
|
L1, |
T11 bagadit oahppi ovddidit giehtačállima ja boallodáidduid njuovžilvuođa ja nannet čállojuvvon giela, ja teavsttaid ráhkadagaid ja riektačállima hálddašeami |
3.-6.-lk: Dahkat njuovžileabbon giehtačállima ja boallodáidduid |
L1, |
T12 movttiidahttit oahppi ovddidit teavstta buvttadeami proseassaid ja dáiddu árvvoštallat iežas teavsttaid, fállat vejolašvuođaid teavsttaid buvttadeapmái ovttas, konstruktiiva máhcahaga addimii ja oažžumii, oahpistit váldit vuhtii teavstta vuostáváldi sihke doaibmat ehtalaččat fierpmádagas olbmo ovttaskasvuođa ja dahkkivuoigatvuođaid gudnejahttimiin |
3.-6.lk: Hárjehallat teavstta buvttadeami muttuid, iežas teavsttaid geahčadeami ja árvvoštallama sihke máhcahaga addima ja vuostáváldima
|
L2, |
Giela, girjjálašvuođa ja kultuvrra ádden |
|
|
T13 bagadit oahppi nannet gielladiđolašvuođas, movttiidahttit su dutkat ja geahčadit giela ja dan sierra variánttaid ja hárjehit geavahit doahpagiid, maid mielde gielas ja dan ráhkadagain ságastallat ja veahkehit áddet gielalaš válljemiid váikkuhusaid |
3.-6.lk: Dutkat giela molsašuddama dilálašvuođaid mielde (omd. girjegiella vs. hállangiella, suomagiela suopmanat)
|
L1, |
T14 movttiidahttit oahppi viiddidit teaksta-válljašumis ja lohkat mánáide ja nuoraide oaivvilduvvon girjjálašvuođa ja velá roahkasmahttit lohkanberoštupmái ja lohkaneallámušaid juohkimii ja girjeráju aktiivvalaš geavaheapmái |
3.-6.lk: Movttiidahttit ja oahpásmuvvat girjeráju aktiivvalaš ja máŋggabealat geavaheapmái
|
L2, |
T15 Doarjut oahppi gielalaš ja kultuvrralaš identitehta ráhkadeamis ja bagadit árvvoštit sierra kultuvrraid ja giela sihke láhčit oahppái vejolašvuođaid media- ja kulturfálaldahkii oahpásmuvvamii sihke iežas kultuvrra buvttadeapmái |
3.-6.lk: Oahpásmuvvat oahppi iežas ja earáid kultuvrraide ja gielaide, eandaliige sámegillii ja -kultuvrii. Váldit vuhtii maid Norgga lagašvuohta.
|
L2, |
Eatnigiella ja girjjálašvuohta -oahppaávdnasa oahppanbirrasiidda ja bargovugiide laktáseaddji mihttomearit jahkeluohkáin 3-6
Mihttomearrin lea gielalaččat cahkkehagaid addi ja searvvušlaš oahppanbiras, mas oahppiid oainnuid atnit árvvus ja mas lea vejolašvuohta geahčadit ja buvttadit teavsttaid okto ja ovttas dorvvolaččat maid gulahallanteknologiijain. Oahpahusas atnit ávkin oahppiid iežaset válljen ja sin beroštahtti girjjiid ja eará máŋggahápmásaš teavsttaid ja maid viiddidit oahppiid lohkanvásihusaid. Eatnigiela oahppanbirrasii gullá maiddái skuvlla olggobeale kultur- ja mediafálaldat. Bargovugiid válljet nu, ahte dat dahket vejolažžan ovttas doaibmama ja vásihusaid juohkima ja maid oahppaávdnasa sisdoallosurggiid lunddolaš integrašuvnna dehege ovttaiduvvama. Oahpahusa čavdudit proseassalágan studeremiin ja prošeaktabarggildemiin. Vuorrováikkuhan- ja drámádáidduid čiekŋudit sierralágan hárjehusaiguin. Drámá ja girjjálašvuođa oahpahusa ovttastit eará oahppaávdnasiid oahpahussii.
Bagadeapmi, sierranahttin ja doarjja eatnigiela ja girjjálašvuohta -oahppaávdnasis jahkeluohkáin 3–6
Mihttomearrin lea doarjut oahppiid gielalaš ovdáneami, njuovžilis lohkan- ja čállindáiddu oahppama sihke lohkandáiddu čiekŋuma áddejeaddji lohkamiin. Oahppiid doarjut sátneresearvva viiddideamis, doahpagiid oahppamis sihke jurdagiid gielladeamis ja vuorrováikkuhandáidduin. Juohke oahppi movttiidahtto dáidodásis vástideaddji girjjálašvuođa ja earáid teavsttaid lohkamii ja bagadit lohkkojuvvon teavstta áddema strategiijaid geavaheapmái ja maid heivvolaš studerenstrategiijaid ovddideapmái ja iežas nanusvuođaid dovdamii. Oahppiid teavsttaid buvttadeami dáidduid sihke riektačállima ovddideami várás addit málliid sihke searvvušlaš ja individuála doarjaga. Maiddái gielalaččat čeahpes oahppiid doarjut lohkanhástalusaid váldimis, alcceset heivvolaš bargovugiid gávdnamis ja mihttomeriid ásaheamis. Teavsttaid ja bargovugiid válljet nu, ahte oahppiid ovttaveardásašvuohta ja sohkabeliid dásseárvu ollašuvvá.
Oahppi oahppama árvvoštallan eatnigiella ja girjjálašvuohta -oahppanávdnasis jahkeluohkáin 3-6
Árvvoštallan ja dasa vuođđuduvvi máhcahat lea máŋggabealat, konkrehtalaš ja oahppama dáidduid ovddideaddji. Árvvoštallan njađđojuvvo oahppanproseassa čavga oassin. Árvvoštallan vuođđuduvvá máŋggabealat dokumentašuvdnii das, mo oahppiid viidáneaddji gielalaš dáiddut ja teavsttaid buvttadeapmi sihke dulkon ovdánit ja mat leat sin dieđut giela, girjjálašvuođa ja eará kultuvrra birra.
Oahppiid bagadit árvvoštallat iežaset ja earáid barggildeami, olggosbuktima ja buktagiid. Oahppama doarju, máŋggabealat ja analyhtalaš árvvoštallamii ja máhcahagain oahppiid veahkehit šaddat diđolažžan iežaset dáidduin, dieđuin ja barggildanproseassain ja sii ožžot bargoneavvuid daid ovddideapmái. Ieševttolaš lohkan lea deaŧalaš mihttomearri, man doarjut ja árvvoštallat lohkan- ja čállindáiddu ektui.
Eatnigiela ja girjjálašvuođa sánálaš árvvoštallan dahje árvosáni attedettiin oahpaheaddji árvvoštallá oahppiid máhttima báikkálaš oahppaplána ásahuvvon mihttomeriid ektui. Meroštaladettiin máhttima dási 6. jahkeluohká lohkanjahkeduođaštusa várás oahpaheaddji geavaha riikkaviidosaš árvvoštallankritearaid Oahppama ovdáneami dáfus guovddážis leat eatnigiela ja girjjálašvuođa sierra mihttomearresurggiid vuođđodáiddut ja daidda doalvu barggildanproseassat ja oahppanstrategiijat.
Suomagiella ja girjjálašvuohta -oahppomeari árvvoštallankritearat 6. jahkeluohká loahpas buorre máhtu govvideaddji sánálaš árvvoštallama/árvosátni gávcci várás
Oahpahusa mihttomearri |
Sisdoallo-suorggit |
Árvvoštallama čuozáhagat oahppaávdnasis |
Buorre/árvosáni gávcci máhttu |
Vuorrováikkuhandilálašvuođain doaibman |
|||
T1 bagadit oahppi nannet dáiddus doaibmat konstruktiivvalaččat iešguđetlágan gulahallanbirrasiin ja olggosbuktit oainnus |
S1 |
Hállankommunikašuvdnadilálaš-vuođain doaibman |
Oahppi ovdanbuktá jurdagiiddis ja olggosbuktá oainnus alcces oahpes gulahallanbirrasiin |
T2 bagadit oahppi fuomášit iežas gielalaš ja kommunikašuvnnalaš válljemiiddis váikkuhusaid ja váldit vuhtii earáid dárbbuid joavkogulahallandilálašvuođain |
S1 |
Doaibman vuorrováikkuhandilálašvuođain |
Oahppi atná ávkin jienageavaheami, sáttasániid čuoziheami ja kontávttaváldin dáidduid iešguđetlágan vuorrováikkuhan-dilálašvuođain, máhttá nuppástuddat gulahallanvierus dilálašvuođa mielde ja figgá váldit vuhtii earáid perspektiivva. |
T3 bagadit oahppi geavahit luovvannávccas ja olggosbuktit iežas máŋggabealagit iešguđetlágan gulahallan- ja ovdanbuktindilálašvuođain, maiddái drámáin |
S1 |
Olggosbuktinvugiid geavaheapmi |
Oahppi máhttá geavahit ollisolggosbuktima vugiid iežas ideaiddis ja jurdagiiddis olggosbuktimii joavkkus, máhttá doallat oanehaš válmmaštallon sáhkavuoru dahje ovdanbuktima sihke oassálastá drámádoibmii. |
T4 movttiidahttit oahppi ovddidit positiiva gulahallangova sihke dáhtu ja návcca doaibmat sierralágan, maiddái máŋggamediála vuorrováikkuhandilálašvuođain |
S1 |
Vuorrováikkuhandáidduid ovdáneapmi |
Oahppi váldá vuostá máhcahaga iežas doaimmastis ja addá máhcahaga earáide. |
Teavsttaid dulkon |
|||
T5 bagadit oahppi dahkat njuovžilabbon lohkandáiddus ja geavahit teavstta áddema strategiijaid sihke geahčadit ja árvvoštallat iežas lohkama |
S2 |
Teavsttaáddema vuođđostrategiijaid hálddašeapmi |
Oahppi lohká njuovžilit máŋggahápmásaš teavsttaid ja geavaha teavsttaáddema vuođđostrategiijaid sihke máhttá geahčadit ja árvvoštallat iežas lohkama |
T6 bagadit oahppi ovddidit máŋggahápmásaš teavsttaid analyserema, árvvoštallama ja dulkoma dáidduid ja viiddidit sátne- ja doabaresearvvas sihke ovddidit jurddašandáiddus |
S2 |
Teavsttaid analyseren ja dulkon |
Oahppi earuha maid nu muitaleaddji, govvideaddji, láidesteaddji ja oktageardánis beali váldi teavsttaid gielalaš ja tekstuálalaš iešvugiid. Oahppi máhttá geavahit teavsttaid dulkondáidduid iežas jurddašeami sihke sátne- ja doabaresearvva ovddideapmái. |
T7 bagadit oahppi dieđuskáhppomii, máŋggabealat diehtogálduid geavaheapmái ja dieđu luohtehahttivuođa árvvoštallamii |
S2 |
Dieđuskáhppondáiddut ja gáldokritihkka |
Oahppi geavaha dieđuskáhppomisttis media ja sierra teakstabirrasiid sihke dilálašvuhtii heivvolaš strategiijaid ja máhttá mannu veardde árvvoštallat diehtogálduid luohtehahttivuođa |
T8 movttiidahttit oahppi ovddidit girjjálašvuođadovdamušas ja beroštumis mánáide ja nuoraide oaivvilduvvon girjjálašvuođa, media- ja eará teavsttaid guovdu, láhčimiin vejolašvuođaid positiiva lohkanvásihusaide ja eallámušaide, dieđuhálu duhtadeapmái sihke lohkanvásihusaid juohkimii maiddái máŋggamediála birrasiin |
S2 |
Mánáide ja nuoraide oaivvilduvvon girjjálašvuođa ja teavsttaid dovdan ja lohkanvásihusaid juohkin |
Oahppi dovdá mannu veardde mánáide ja nuoraide oaivvilduvvon girjjálašvuođa, media- ja eará teavsttaid ja máhttá juohkit vásihusáiddis, maiddái máŋggamediála birrasis. |
Teavsttaid buvttadeapmi |
|||
T9 roahkasmahttit oahppi olggosbuktit vásihusáiddis, jurdagiiddis ja oainnuidis ja nannet positiiva gova alddestis teavstta buvttadeaddjin |
S3 |
Vásihusaid ja jurdagiid olggosbuktin |
Oahppi olggosbuktá vásihusáiddis ja jurdagiiddis máŋggahápmásaš teavsttain |
T10 movttiidahttit ja bagadit oahppi gielladit jurdagiiddis ja hárjehallat muitaleaddji, govvideaddji láidesteaddji ja oktageardánis bealiváldi teavsttaid buvttadeami, maiddái máŋggamediála birrasiin |
S3 |
Iežas jurddašeami gielladeabmi ja sierra teakstašlájaid geavaheapmi |
Oahppi máhttá bagadeame vuollásažžan geavahit muitaleapmái, govvideapmái ja oktageardánis bealiváldi tekstii mihtilmas giela. Oahppi máhttá dahkat bajilčállaga teakstasis, juohkit dan bihtáide ja giddet fuomášumi sátneválljemiidda. |
T11 bagadit oahppi ovddidit giehtačállima ja boallodáidduid njuovžiluvvama ja nannet čállojuvvon giela ja teavsttaid ráhkadagaid ja riektačállima hálddašeami |
S3 |
Čállindáidu ja čállojuvvon giela hálddašeapmi |
Oahppi čállá njuovžilit ja čielgasit gieđain ja lea oahppan dárbbašlaš boallodáidduid. Oahppi dovdá čállojuvvon giela vuođđoráhkadagaid ja riektačállima vuođđoáššiid ja geavaha daid iežas teavstta buvttadeamis. |
T12 movttiidahttit oahppi ovddidit teavstta buvttadeami proseassaid ja dáiddu árvvoštallat iežas teavsttaid, fállat vejolašvuođaid teavsttaid buvttadeapmái ovttas, ovddideaddji máhcahaga addimii ja oažžumii, bagadit váldit vuhtii teavstta vuostáváldi ja velá doaibmat ehtalaččat fierpmádagas olbmo ovttaskasvuođa ja dahkkivuoigatvuođaid gudnejahttimiin |
S3 |
Teavsttaid ráhkadeapmi ja ehtalaš gulahallan |
Oahppi dovdá ja máhttá govvidit teavsttaid buvttadeami vuođđomuttuid, máhttá árvvoštallat iežas teavsttaid ja buvttadit teavsttaid muttuid mielde okto ja earáiguin sihke addit ja vuostáváldit máhcahaga. Oahppi máhttá merket gálduid teavstta lohppii, ádde, ahte ii oaččo ovdanbuktit luoikkahuvvon teavsttastis iežas teakstan ja diehtá fierpmádagas doaibmama ehtalaš prinsihpaid. |
Giela, girjjálašvuođa ja kultuvrra ádden |
|||
T13 bagadit oahppi nannet gielladiđolašvuođastis, movttiidahttit su dutkat ja dárkut giela ja dan sierra variánttaid ja hárjehahttit geavahit doahpagiid, maiguin gielas ja dan ráhkadagain ságastallat ja veahkehit áddet gielalaš válljemiid váikkuhusaid |
S4 |
Giela geahčadeami ovddideapmi ja gielladoahpagiid hálddašeapmi |
Oahppi dahká áiccuid ja máhttá govvidit teavsttaid gielalaš iešvugiid ja geavaha doahpagiid maid lea oahppan, daid birra háladettiin ja čáledettiin |
T14 movttiidahttit oahppi viiddidit teakstaválljašumis ja lohkat mánáide ja nuoraide oaivvilduvvon girjjálašvuođa sihke roahkasmahttit lohkanberoštupmái ja lohkaneallámušaid juohkimii ja girjeráju aktiivvalaš geavaheapmái |
S4 |
Girjjálašvuođa dovdamuš |
Oahppi lohká sohppojuvvon mánáide ja nuoraide oaivvilduvvon girjjiid, ságastallá ja juohká vásihusáiddis girjjiid birra maid lea lohkan. |
T15 doarjut oahppi gielalaš ja kultuvrralaš identitehta huksemis ja bagadit árvvus atnit sierra kultuvrraid ja gielaid sihke láhčit oahppiide vejolašvuođaid media- ja kulturfálaldahkii oahpásmuvvamii ja velá iežas kultuvrra buvttadeapmái |
S4 |
Gielladiđolašvuođa ja kultuvrra dovdamuša ovdáneapmi |
Oahppi máhttá govvidit ovttaláganvuođaid ja earuhusaid sierra gielaid ja kultuvrraid gaskka maid son lea áican. Oahppi máhttá muitalit su iežas beroštahtti media- ja kulturfálaldaga birra. Oahppi oassálastá iežas ovdanbuktimiid plánemii ja loaiddasteapmái. |