Sámegiella A2-giellan, jahkeluohkát 1-2

Ságiela lohkan sáhttá álgit juo ovdaoahpahusas doaibma- ja stoahkanvuohkásaš boddun. Giela oahpahusas vuodjut gullama áddemii ja sierra árgabeaivvi rutiinnain birgemii. Čállojuvvon giela hápmi lea olles áigge máináid oaidnimis. Oahpahallan sáhttá dáhpáhuvvat ee. guldalemiin ja áddestallamiin, stoahkamiin ja speallamiin, divttaid, lávlagiid ja dráma veahkil.

Ulbmilat

 -gielalaš sáhkkiivuođa boktin

-giela studerema vuođu huksen

-ovdagáttuhis vuoiŋŋa huksen sámegiela ja kultuvrra ovddas

-iežas persovnnalaš gielladáiddu máŋggabealat geavaheapmi

 

Guovddáš sisdoalut

-oktageeardánis árgabeaivvi dilálašvuođaide laktaseaddji giellaávnnas (ee. dearvvaheamit, vahkubeaivvit, jahkeáiggit, lohkosánit, ivnnit, olmmoš, bearaš ja ruoktu, sihke ruoktoguovlu, ávvubeaivvit, skuvlabiergasat, diibmoáiggit).

-oahpahusa sáhttá háliidettiin čatnat omd. birasoahpu ja luonddudiehtagiid sisdoaluide nu, ahte dat dorjot nuppiideaset (ee. jahkeáiggit ja daidda laktaseaddji áššit, vaikkoba luondu, astoáigge doaimmat, šattut ja eallit).

-árbevirolaš sámi ealáhusaide (guolásteapmi ja boazodoallu sihke duodji) oahpasmuvvan ja daidda laktaseaddji giellaávnnas.

-sámi lávlagat ja stohkosat sihke máidnasat ja muitalusat (maid anáraš- ja nuortalaš máidnasat ja muitalusat)