Suomagiella sámegielat oahpahusa 1-2 luohkáin

Oahpahusas galgá vuhtiiváldit oahppiid persovnnalaš dáidduid sihke molsašuddi gielalaš ja kultuvralaš duogáža ja bearraša ja eará birrasa fállan doarjaga meari oahppi suomagiela ovdáneamis. Oahpahusa erenoamáš ulbmilin lea ovddidit oahppi persovnnalaš dáidduid vuođul iežas ovdanbuktima ja vuorrováikkohusa dáidduid, gielladiđolašvuođa sihke ovddidit guldaleami, lohkama ja čállima vuođđodáidduid. Oahpahusa doaibman lea berostumi ja movttiideami boktin gielalaš ovdanbuktima ja drámaovdanbuktima vuostá. Oahpahusas vuhtiiváldo dárbbašettiin suoma- ja sámegiela riektačállima earut, juos fuomášuvvo, ahte sámegiela riektačállin seaguha suomagierla riektačállima.

Ulbmilat

 Oahppi hárjehallá gažadit, vástidit, bivdit, muitalit, oaivila ovdanbuktit ja dovdduid birra muitalit.

Oahppi ovddida ságastallandáidduid sierralágan fáttáin ollesolbmuiguin ja ahkeskihpáriiguin sihke nanne ságastallamis dárbbašlaš sátneráju ja fraseologiija.

Oahppi hárjehallá jietnadeami, áddet maid gullá, earáid guldaleami ja nuppiin oahppama ávkkástallamiin rolla- ja teáhterstohkosiiguin sihke eará vuorrováikkohanhárjehusaiguin máidnasiid, muitalusaid, stuhllamiid, digimáidnasiid ja diehtioteavsttaid gieđahallamis.

Oahppi oahppá gielalaš ja gorutlaš ovdanbuktinroahkkatvuođa ja hárjehallá ovdanbuktima ollislaččat drámadoaimmain.

Oahppi ovddida suoma giela lohkandáiddu. Veahkkin sáhttá geavahit Ekapeli-Alku, Ekapeli-Yksi, Ekapeli-Lukeminen ja Ekapeli-Sujuvuus-prográmmaid.

Oahppi hárjána lohkat njuovžilit ahkái ja gielladáidui heivvolaš teavsttaid ja girjjálašvuođa ja ságastallat das maid lea lohkan.

Oahppi hárjehallá buvttadit sierralágan hállon ja čállon teakstašlájaid okto ja joavkkus. Oahppi hárjehallá čállit gieđaiguin ja dihtoriin.

Oahppi viiddida sátne- ja ovdanbuktindáidduid sihke oahppá dovdat muitaleami vuođđoiešvuođaid.

 Oahppái šaddá miehtemielalaš áddejupmi alddes ovdanbuktin, lohkkin, teavsttaid buvttadeaddjin sihke giela oahppin.

Árvvoštallan

Árvvoštallama ulbmilin lea buvttadit dieđu oahppi oahppama ovdáneamis. Oahppi oažžu máŋggabealat máhcahaga das, mo son ádde ja geavaha giela, maid máhttá jearrat, mo ádde earáid ja oassálastá oktasaš ságastallamii. Árvvoštallanamáhcahat addá dieđu oahpahusa plánema veahkkin. Dan veahkil oahppi oažžu dieđu iežas giellamáhtu nanusvuođain ja ovdáneamis sihke iežastis suomagiela oahppin. Oahppi roahkasmahtto maiddái iešárvvoštallamii. Oahppiid ii galgga veardádallat gaskaneaset, dasgo oahppiid vuolggadássi suomagielas molsašuddá garrasit.

Árvvoštallama čuozáhatjoavkkut leat:

 - Oahppiid ovdáneapmi iežaset ovdanbuktimis ja vuorrováikkohusas

-Oahppiid sátne- ja doabaráju ovdáneapmi

- Oahppi ovdáneapmi lohkandáiddus

- Oahppi ovdáneapmi lohkamis

-Oahppi ovdáneapmi teavsttaid áddemis ja lohkamis

-Oahppi ovdáneapmi taevsttaid buvttadeamis sihke gieđaiguin ja dihtoriin čállimis