Oppilaanohjaus saameksi
GIELDDA JA GUVLLOLAŠ OAHPPIIDRÁVVEN OAHPPAPLÁNA 2016 (1. – 6. luohkát)
GIELDDA JA GUVLLOLAŠ OAHPPIIDRÁVVEN OAHPPAPLÁNA 2016 (1. – 6. luohkát)
Ohcejoga gielddas čuovvut guvllolaš oahppaplána
14.4.14 OAHPPIIDRÁVVEN
Oahppaávdnasa bargu
Rávvenbargu lea oppa vuođđoahpahusa áiggi bisti ja vuođđoaoahpahusa máŋŋá dáhpáhuvvi oahpuide olli joatkašuvvan. Oahppiidrávven ovddida oahppiid skuvlabarggu lihkostuvvama ja oahpuid ovdáneami ja dan bargun lea ovddidit ja doarjut oahppiid bajásšaddama ja ovdáneami. Das hárjehallat juohke oahppi lohkandáidduid, vuorrováikkuhusdáidduid ja eallinhálddašandáidduid. Rávvemis doarjut oahppiid bargat iežas dáidduide, árvvuide ja vuolggasajiide sihke beroštupmái vuođđuduvvi árgaeallima, lohkama, joatkkaoahpuid sihke boahtteáiggi guoski mearrádusaid ja válljemiid. Rávvema mielde oahppit ohppet oaidnit iežaset vejolašvuođaid váikkuhit iežas eallima plánemii ja mearrádusdahkamii. Oahppiid ávžžuhat suokkardallat ja dahkat jearaldatvuložin skuvlejupmái ja ámmáhiidda guoskevaš ovdaáddejumiid ja bargat válljemiid iežas nana beliid ja beroštumi vuhtii váldimin. Oahppiidrávven ollášuhttojuvvo oktasašbarggus fuolaheaddjiiguin.
Oahppiidrávven ovttasta skuvlla servodahkii ja bargoeallimii sihke eastada ravgáseami skuvlejumis ja bargoeallimis. Rávvema mielde ovddiduvvo vuoiggalašvuođa, ovttaveardásašvuođa, dásseárvvu ja oasálašvuođa ollašuvvan. Oahppiidrávvemis váldo vuhtii máhtti bargofámu oažžun sihke máhttima jearu ja fálu oktiiheiveheapmi boahtteáiggi bargoeallimis.
Jahkeluohkáin 3-6 Oahppiidrávven ollašuvvá váldoaáššis sierra oahppoávdnasiid oahpaheami ja skuvlla eará doaimma oktavuođas. Oahppiidrávvemis vástida luohkáoahpaheaddji ovttas eará oahpaheaddjiiguin. Vuođđoskuvlla oahppiidrávvejeaddji sáhttá oassálastit vuolleskuvlla oahppiidrávvemii skuvlla mearridan vuogi mielde, erenoamážit guđát luohkás. Oahppanbirasin iežas skuvlaservoša ja lagasbirrasa lassin doibmet lagasguovllu oahppolágádusat, fitnodagat, searvvit ja eará oktasašbargobealit, galledanbáikkit sihke diehto- ja gulahallanteknihkalaš oahppan- ja rávven birrasat.
Oahppiidrávvenemis doarjut oahppi sosiálalaš dáidduid ja joavkkus doaibmama ovdáneami. Rávvema mielde oahppi hárjehallá iežas lohkanvugiidis dovdama ja ovddideami ja dan mielde nanosmuvvá oahppi dáidu ásahit alcces mihttomeriid ja árvvoštallat daid juksama sihke ovddidit oahppat oahppama dáidduidis. Rávven vuodju lohkamis dárbbášlaš dáidduid ja dieđuid oahppamii. Sierra oahppaávdnasiin oahpahallat dovdat daid mihtilamassárgosiid sihke válljet guđege oahppaávdnasii heivvolaš lohkanvugiid.
Oahppiid bagadallat dovdat ja atnit árvvus sihke iežas ja nuppiid nana beliid, máhtu ja dáidduid.
Doarjut sin váldit ovddasvástádusa iežaset eallimis, lohkamis, válljemiin sihke iežas doaibmamis joavkus ja iežas lagasservoša aktiivalaš lahttun ja doaibmin. Oahppiide fállát vejolašvuođaid oasálašvuhtii ja váikkuheapmai iežas lagasbirrasis sihke skuvlaservošis ovdamearkan arvvosmahttit oassálastit oahppiidgotti doaimmaide ja váldimin sin fárrui skuvlla doaimmaid ja sajiid plánemii. Iešguđetlágan galledeamit oahpásmahttet oahppiid lagasguovlu ámmáhiidda, bargosajiide ja ealáhuseallimii. Dánu ovddidat oahppiid ámmátlaš beroštumi moriheami.
Oahppiidrávven doarju oahppiid ja fuolaheaddjiid lohkamii guoskevaš dieđuoažžumis ja válljemiin erenoamážit go sirdašuvvat badjeluohkáide. Oahppiide lágiduvvo vejolašvuohta lohkamii ja válljemii guoskevaš persovnnalaš bagadallanságastallamii.
SKUVLLA BAGADALLANPLÁNA, luohkát 3 - 6
GIELDDA JA GUVLLOLAŠ OAHPPIIDRÁVVEMA OAHPPAPLÁNA 2016
Oahppiidrávvema lágideami ráhkadusat
Oahppiidrávvema diibmojuohku: Oahppiidrávven ollašuvvá sierra oahppaávdnasiid oahpahusa ja skuvlla eará doaimma oktavuođas. Vuolleskuvlla maŋimuš luohkáin vuođđoskuvlla oahppiidrávvedeaddji sáhtttá oassálastit oahppiidrávvemii skuvlla mearridan vuogi mielde.
Váldovástu oahppiidrávvemis lea luohkáoahpaheaddjis, muhto buohkat geat ossálastet oahppiid skuvllavážžimii bagadallet oahppiid.
Doaibmavuogit
Oahppiidrávven integrerejuvvo sierra oahppaávdnasiidda, ja iežas skuvlabarggus fuolaheapmi ja oahppin ovdáneapmi leat dan guovddáš ulbmilat. Oahppiid diđolašvuohta eará ammátsurggiin lasihuvvo vuhtii váldimiin dán sierra oahppaávdnasiin. Galledeamit ja guossit sihke temábeaivvit ja prošeavttat sisttisdollet maiddái bagadallamii guoski geahččanguovllu.
Barggu- ja vástujuohkin
Luohkáoahpaheaddji
- bagada skuvlavázzima ja oahppama oahpahallamis
- doarju lohkandáidduid ovdáneami
- ovddida lohkanvugiid dovdama ja geavaheami iešguđet oahppaávdnasiidda heivvolaš vuogi mielde
- ovddida vástuuváldima
- bagada sosiálalaš dáidduid ovdáneamis
- čuovvu oahppi skuvlavázzima
- bargá oktasašbarggus fuolaheaddjiiguin ja geavvá singuin ovddidanságastallamiid
- oassálastá beavttálmahtton ja erenoamáš doarjaga plánemii ja addimii oahppi oahppama ovddideami dihte
- fuolaha beavttálmahtton ja erenoamáš doarjaga áigásaš bagadallamis oktasabarggus eará doarjaga addi beliiguin
- čujuha oahppaávdnasiid gaskasaš oktavuođaid sihke oahppaávdnasa sisdoaluid oktavuođaid bargoeallimii
- fuolaha lađasmuttuid dieđusirdimis
- árvvoštallá bagadallanplána ollašuvvama ovttas rektoriin
Ávnnasoahpaheaddji
- oahpaha iežas ávdnasa lohkandáidduid
- bargá iežas ávdnasii guoskevaš bargoeallinoktasašbarggu
- čujuha oahppaávdnasiid gaskasaš oktavuođaid sihke oahppaávdnasa sisdoaluid oktavuođaid bargoeallimii
Fuolaheaddji
- oasssálastá oahppi skuvlavázzimii guoskevaš áššiide oktasašbarggus luohkáoahpaheaddjiin
- árvvoštallá bagadallanplána ollašuvvama
Rektor
- dahká vejolažžan iežas beales skuvlla bagadallanplána ollašuvvama
- árvvoštallá bagadallanplána ollašuvvama ovttas luohkáoahpaheaddjiin ja fuolaheaddjiin
Sierraoahpaheaddji
- oahpaha oahppanstrategiijaid
- oassálastá beavttálmahtton ja erenoamáš doarjaga plánemii ja addimii oahppi oahppama ovddideami dihte
- oassálastá lađasmuttu oktasašbargui
Kuráhtor
- addá psykososiálalaš doarjaga
- oassálastá lađasmuttu oktasašbargui
Oahppiidrávvedeaddji
- sáhttá addit luohkkáhápmásaš, smávvajoavko- ja persovnnalašbagadallama
- oassálastá lađasmuttu oktasašbargui
Máŋggasuorggát fierpmádagat
Oahppiidrávven bargo maiddái fierbmeoktasašbargun nuoraiddoaimmain, skuvladearvvasvuođafuolahusain, bearašrávvehagain, gieldda sosiáladoaimmain, lagasguovllu fitnodagain sihke servviiguin, vajálduhttekeahttá oahppiid fuolaheaddjiid ja sin bargooktavuođaid.
Ruovttu ja skuvlla bagadallanbargu
Luohkáoahpaheaddji ja fuolaheaddjit barget oktasašbarggu oahppi skuvlavázzin áššiin. Dehalamos ruovttu ja skuvlla oktasašbarggu hápmi lea ovddidanságastallan. Dárbbu mielde dán bagadallanoktasašbargui oassálastet maiddái skuvlavázzin jođiheaddji, sierraoahpaheaddji sihke skuvlakuráhtor. Oktasašbarggu dáhkat maiddái máŋggaámmátlaš buresveadjinbargojoavkkuin.
Lađasmuttu oktasašbargu
Nuppi ja goalmmát sihke guđát ja čihččet luohká lađasmuttus ollašuhtton oktasašbarggu ulbmilin lea álkidahttit oahppi sirdašuvvama ođđa lohkanvieruide ja vejolačččat ođđa skulvabirrasii. Lađasmuttu oktasašbarggus vuostáváldi skuvlii sirdojuvvo buot dárbbášlaš diehtu, maid galgá váldit fuopmášupmai oahppi skuvlavázzimis. Lađasmuttus bargo oktasašbargu oahppiin ja su fuolaheaddjiin, ja dieđusirdimii bivdit sin miehtama.
2.lk - 3.lk.
Álgoahpahusas vástidan luohkáoahpaheaddji, sierraoahpaheaddji ja dárbbu mielde skuvlakuráhtor fuolahit dieđusirdimis ođđa luohkáoahpaheaddjái.
Vuolleskuvla- badjeskuvla
Unnimustá sáddejeaddji skuvlla luohkáoahpaheaddji ja sierraoahpaheaddji sihke vuostáváldi skuvlla rektor, oahppiidrávvejeaddji ja sierraoahpaheaddji fuolahit giđa sirdinčoahkkimis skuvlavázzima ja oahppama dáfus dárbbašlaš dieđu sirdašuvvamis.
Čakčat lágiduvvo deaivvadeapmi, mas rektor, oahppiidrávvejeaddji dahje sierraoahpaheaddji dahje sii ovttas sirdet luohkágohččái oahpiideaset guoski dieđu. Luohkkágohcci bargun lea sirdit dárbbášlaš dieđu ávnnasoahpaheaddjiide.
Lađasmuttus oahppiid oahpásmuhttimis nuppiidasaset ja ođđa skuvlla geavadagaide oahpásmuhttimis leat ovddežiid lassin mielde doarjjaoahppit sihke vejolaččat nuoraiddoaibma, searvigoddi ja/dahje eará skuvlla olggobeale doaibmit.