GIELDDA MUSIHKA OAHPPAPLÁNA 2016 ( 3. – 6. luohkát)

Musihka oahpahusa bargu

Musihka oahpahusa bargun lea láhčit vejolávuođaid máŋggabealat musihkalaš doaimmaide ja aktiivalaš kultuvrralaš oasálašvuhtii. Oahpahus bagadallá oahppiid dulkot musihka máŋggaid mearkkášumiid sierra kultuvrrain sihke oktagasaid ja servošiid doaimmain. Oahppiid musihkalaš dáiddut viidot, mii nanne miehtimielalaš gaskavuođa musihkkii ja ráhkada vuođu musihka eallenagálaš buđáldeapmai. Musihka oahpahus ráhkada árvvusatni ja diehtoáŋgir gaskavuođa musihkkii ja kultuvrralaš máŋggabealatvuhtii.

Doaibmamii guoski musihka oahpahus ja lohkan ovddidit oahppiid musihkalaš dáidduid ja áddejumi ovdáneami, oppalaš bájásgeassima ja dáiddu doaibmat oktasašbarggus earáiguin. Dáid nannet váldimiin musihka oahpahusas fuopmášupmái oahppiid musihkalaš beroštumi čuozáhagaid, eará oahppaávdnasiid, ovttasteaddji temáid, skuvlla ávvudemiid ja dáhpáhusaid sihke skuvlla olggobealde dáhpáhuvvi doaimmaid. Oahppiid jurddašeami ja hutkandáiddu ovddidat fállámiin jeavddalaččat vejolašvuođaid jiena ja musihka olis doaibmamii, komponeremii sihke eará hutkkálas buvttadeapmai. Musihka oahpahusas oahppit lohket musihka máŋggabealagit, mii veahkeha sin albmabuktindáidduid ovdáneami.

Jahkeluohkáid 3–6 musihka oahpahusas oahppit ohppet jurddašit rahpasit ja gudnejahtti láhkai nuppiid vásáhusain sihke láhčit oktiigullevašvuođa dovddu joavkkusteaset. Seammás sii hárjánit hábmet árabu diđolabbot musihkalaš vásáhusaid ja albmonemiid sihke musihkkakulttuvrraid. Oahppiid áddejupmi musihkadoahpagiin ja albmabuktinvugiin čiekŋu ja viidu seammás, go dáiddut lávlut, čuojahit, komponeret, lihkadit ja guldalit ovdánit. Jienaide ja musihka albmabuktinvugiide laktaseaddji hutkkálas ja estehtalaš jurddašeami ovddidat láhčimiin diliid, main oahppit sáhttet plánet ja ollašuhttit iešguđetlágan musihkalaš dahje máŋggadáiddalaš ollisvuođaid. Dáin bargguin oahppit atnet iežaset miellagovahallama ja hutkáivuođa okto dahje ovttas earáiguin. Musihkalaš doaibma laktása lunddolaččat ovttastahtti lohkamii skuvlla árggas ja ávvudeamis. Oahppiid áddejupmi alddes musihkalaš doaibmin hápmašuvvá miehtemielalaš oahppanvásáhusaid bokte.

Musihka oahpahusas čuovvut riikkaviidosaš ja báikkálaš oahppaplána.


Musihka oahpahusa ulbmilat

Oahpahusa ulbmilat	Ulbmiliidda laktáseaddji sisdoalut	Ulbmiliidda laktáseaddji báikkálaš sisdoalut	Viiddis máhttin
Oasálašvuohta
T1 roahkasmahttit oahppi oassálastit oktasašmusiseremii ja ráhkadit miehtemielalaš oktasašvuoiŋŋa iežas servošis	S1-S4	B S4, B S3	L2, L6, L7
Musihkalaš dieđut ja dáiddut sihke hutkkálas buvttadeapmi
T2 bagadallat oahppi lunddolaš jienageavaheapmai ja lávlumii sihke ovddidit gorut-, ritma-, melodiija- ja šuokŋačuojanasaid čuojahandáiddu musiserejeaddji joavkku lahttun	S1-S4	B S4	L2
T3 arvvosmahttit oahppi goruhii guoskevaš musihka, govaid, muitalusaid ja dovdodiliid albmabuktimii oppalaččat lihkademiin	S1-S4		L1, L2
T4 fállat oahppi vejolašvuođaid jietnabirrasa ja musihka eallámušlaš guldaleapmai sihke bagadallat su hábmet dan maid lea gullan sihke muitalit das	S1-S4	B S3	L2
T5 roahkasmahttit oahppi improviseret sihke plánet ja ollašuhttit smávvalágan komposeremiid dahje máŋggadáiddalaš ollisvuođaid sierra vugiiguin ja maiddái atnimiin diehto- ja gulahallan teknologiija	S1-S4	B S4	L1, L2, L5, L6
Kultuvrralaš áddejupmi ja máŋggalohkandáidu
T6 bagadallat oahppi geahčadit iežas musihkalaš vásáhusaid ja musihkalaš máilmmi estehtalaš, kultuvrralaš ja historjjálaš máŋggabealatvuođa	S1-S4	B S4, B S3	L2
T7 bagadallat oahppi áddet musihkkadoahpagiid ja musihka merkenvugiid vuođđojurdagiid musiserema oktavuođas	S1-S4		L4
Buresveadjin ja dorvvolašvuohta musihkas
T8 bagadallat oahppi dovdat musihka váikkusaid buresveadjimii sihke fuolahit musiseren - ja jietnabirrasa dorvvolašvuođas	S1-S4	B S3	L3
Oahppat oahppan musihkas
T9 bagadallat oahppi ovddidit musihkalaš dáidduidis hárjehallama mielde, oassálastit ulbmiliid ásaheapmai ja árvvoštallat iežas ovdáneami ulbmiliid ektui	S1-S4	B S4	L1

Báikkálaš sisdoalut:

3.- 6. lk	Báikkálaš sisdoalut	Viiddis máhttin
	B S3 Musihkka iežas eallimis, servošis ja servodagas
	- Oassálastit sámi álbmotbeaivvi doaluide skuvllas - Báikkálaš musihkkára galledeapmi luohkás– dahje eara láhkai oahpásmuvvat báikkálaš musihkkadahkkiide - Oassálastit vejolašvuođaid mielde báikkálaš musihkkáriid konsearttaide - Oassálastit Ijahis Idja- dáhpáhussii	L2, L3
	B S4 Prográmma
3.- 4. lk
	Oahpásmuvvat juoiganárbevieruide guldanovdamearkkaid bokte - Hárjehallat juigosa jienageavaheami (mo spiehkkasa lávlumis jna.) - Oahpásmuvvat sámiid mánáidlávlagiidda ja lávlla-stohkosiidda - Oahpásmuvvat sámiid árbevirolašstohkosiidda - Lávlut ja stoahkat álkkes sámegielat mánáidlávlagiid	L2, L1
5.- 6. lk	Dáid lassin: - Oahpásmuvvat sámiid lávllamusihkkii ja eará dálá musihkkii guldalanovdamearkkaid bokte - Čuojahat ja lávlut sámi ođđa musihka omd. Čuoja čáppá litna jietna –girjis - Temábarggut sámemusihkas omd. 6.2. sámi álbmotbeaivvi sulaid (omd. joavkobarggut, seaidnelastta ráhkadeapmi, oahpásmuvvat interneahta bokte sámi musihkkáriidda jna) -Dahkat unna komposišuvnnaid

Bagadallan, sierranahttin ja doarjja musihkas jahkeluohkáin 3 - 6
Musihka oahpahusas ja bargamis galgá báikkálaččat váldit vuhtii ovttastuvvon luohkkáoahpahusa suomagielat oahpahusas. Oahpahus ollašuhtto Ohcejohnjálmmi skuvlla suomagielat oahpahusas ovttastuvvon luohkás 3. - 6. Ulbmiliid ja sisdoaluid geahččalat juksat dáid jahkeluohkáid áigge.
Musihka oahpahusas ja barggu plánemis váldojit vuhtii oahppiid sierrra dárbbut, árat oahppan ja beroštumi čuožáhagat. Daid vuođul dahkat earet eará bargovugiid, oahpahanbiergasiid atnima ja joavkobargguid guoski čovdosiid nu, ahte maiddái oahppiid gullat. Čovdosiiguin láhčit oahppama ovddideaddji oktasašmusiserema diliid sihke nannet juohkehaš oahppi oahppandáidduid ja iešheanalašvuođa.