Saamennettu ev.lut. uskonto
Oskkoldat
Oskkoldaga bargu
Oskkoldaga oahpahusa bargun lea addit oahppiide viiddis kristtalaš ja oidnui guoski dábálaš čuvgehusa. Oahpahus oahpásmuhttá oahppiid oskkui, maid lohkat ja dan máŋggabealatvuhtii. Dat oahpásmuhttá oskkoldaga árbevirrui ja oidnui guoski árbevirrui Suomas sihke oskkuide ja oainnuide eara sajis máilmmis. Oahppaávnnas ovddida oskku ja kultuvrra gaskasaš gaskavuođa áddema sihke oskkuid ja oainnuid máŋggalohkandáiddu. Oahpahus addá máŋggabealat dieđu oskkuin ja veahkeha áddet daid birra gevvon ságastallama. Oahppiid bagadallat kritihkalaš jurddašeapmai sihke geahčadit oskkuid ja oainnuid sierra geahččanguovlluin. Oahpahusas guorahallat oskku ja dieđu gaskavuođa sihke oskkuide mihtilmas giela, symbolihka ja doahpagiid. Oskkoldaga oahpahus addá dáidduid oskkuid ja oainnuid dialogai, maid geavvat sihke oainnuid siste ja daid gaskkas. Oahpahus arvvosmahttá oahppiid gudnejahttit eallima, olmmošárvvu sihke iežas ja nuppi bassi ášši.
Oahpahusas oahpásmuvvat oskui, maid lohkat ja eará oskkuid sihke oainnuid etihkalaš jurddašeapmai ja roahkasmahttit oahppiid guorahallat persovnnalaččat etihkalaš gažaldagaid. Oahpahus doarju oahppi iešdovdamuša, iežas árvvus atnima ja eallinhálddašandáidduid ovdáneami oppa vuođđooahpahusa áigge. Oahpahus addá oahppái ávdnasiid iežas identitehta, eallinoainnu ja máilmmioainnu duddjomii ja árvvoštallamii. Oskkoldaga oahpahus doarju oahppi bajasšaddama servoša ja demokráhtalaš servodaga vásttolaš lahttun ja máilmmiriikkavuložin.
Jahkeluohkáin 7-9 oskkoldaga oahpahusas oahpásmuvvat lohkkojuvvon oskkoldahkii kultuvrralaš ja servvodatlaš albmoneapmin. Oahpahusas čiekŋudat dieđu lohkkojuvvon oskku ruohttasiin, gálduin, oahpas ja oahpahusas sihke váikkuhusain máilmmis.
Oahpahusas oahpásmuvvat sihke máilmmi stuorra oskkoldatárbevieruide ja oskkuhisvuhtii. Oapahusas sáhttit váldit fuopmášupmai maiddái báikkálaš kulturárbevieru ja báikkálaččat váikkuheaddji unnit oskkuid. Oahpahusas geahčadat oskkuid servodatlaš ja politihkalaš váikkuhusa sihke oskkuluomusvuođa ja oahpahallat dovdat ja analyseret kristtalaš temáid medias sihke diehtagis, dáidagis ja populárakultuvrras.
Oahpahusas gieđahallat etihkalaš jurddašeami guovddáš doahpagiid sihke lohkkojuvvon oskku etihkalaš vuođđojurdagiid. Oahpahusas oahpásmuvvat Olmmošvuoigatvuođaid oppamáilmmálaš julggáštussii sihke sierra oskkuid ja oainnuid etihkalaš oainnuide. Oahpahusas guorahallat olmmošvuhtii gullevaš eallingažaldagaid ja áigeguovdilis etihkalaš čuolmmaid. Oskku oahpahus fállá oahppiide resurssaid bajášsaddamii rávesolmmožin.
Oahpahusa ulbmil |
Sisdoallo-suorgi |
Viiddis oahppan |
||
T1 bagadallat oahppi áicat oskku ja kultuvrra vuorrováikkuhusa sihke dovdat oskui laktaseaddji máŋggabealatvuođa |
S1,S2 |
L1, L4 |
||
T2 bagadallat oahppi čiekŋudit dieđuidis lohkkojuvvon oskkus ja dan váikkuhusain |
S1 |
L1, L4 |
||
T3 bagadallat oahppi oahpásmuvvat oskkuide ja oainnuide iešguđet bealde máilmmi sihke oskkuhisvuhtii |
S2 |
L2 |
||
T4 bagadallat oahppi dovdat sierra oaskkuid ja oainnuid vieruid ja symbolaid sihke dovdat kristtalaš fáttáid medias, máilmmipolitihkas, dáidagis ja populárakultuvrras |
S1-S3 |
L2,L4,L5 |
||
T5 bagadallat oahppi áicat ja árvvoštallat iešguđetlágan ákkastallama vugiid sihke oskku ja diehtaga giela gaskasaš erohusaid |
S2, S3 |
L1,L2 |
||
T6 bagadallat oahppi oahpásmuvvat etihkalaš jurddašeami guovddáš doahpagiidda, olmmošvuoigatvuođaide sihke lohkkojuvvon oskku ja eará oskkuid ja oainnuid etihkalaš vuođđojurdagiidda |
S3 |
L1,L2 |
||
T7 veahkehit oahppi guorahallat oskkuid ja oainnuid máilmmiviidoasaš mearkkašumi olbmuid válljemiid ággan ja bagadeaddjin |
S1,S3 |
L1,L2 |
||
T8 roahkasmahttit oahppi guorahallat olmmošvuhtii gullevaš eallingážaldagaid, áigeguovdilis etihkalaš gažaldagaid ja iežas árvvuid gaskavuođa daidda |
S2,S3 |
L1,L3 |
||
T9 movttiidahttit oahppi dutkat iežas válljemiid eihkalaš oliid ja daid váikkuhusa buresveadjimii ja arvvosmahttit suvdilis eallinvuohkái |
S2,S3 |
L3,L6,L7 |
||
T10 roahkasmahttit oahppi deaivat earálagan olbmuid dál ja boahtteáiggis joatkaoahpuin, bargoeallimis ja asttuáiggis |
S1-S3 |
L2, L3, L6 |
||
Oahpahusa ulbmil |
Sisdoallu |
|||
T1 bagadallat oahppi áicat oskku ja kulttuvrra vuorrováikkuhusa sihke dovdat oskui gullevaš máŋggabealatvuođa |
Geahčadat oskku sierra oliid, oskku ja kultuvrra vuorrováikkuhusa ja oskui gullevaš máŋggabealatvuođa. |
S2 |
||
T2 bagadallat oahppi čiekŋudit dieđuidis lohkkojuvvon oskkus ja dan váikkuhusain |
Dutkat Biibbala sisdoalu ja ráhkadusa. |
S1 |
||
T3 bagadallat oahppi oahpásmuvvat oskkuide ja oainnuide eara bealde máilmmi sihke oskkuhisvuhtii |
Geahčadallat stuorát máilmmioskkuid (hinduosku, buddhaosku, Kiinná ja Japána oskkut, juvddálašvuohta, kristtalašosku ja islamosku) leavvanviidodaga, vuođđooahpahusaid ja váikkuhusaid kultuvrai eara bealde máilmmi. Oahpásmuvvat lassin luondduoskkuide ja ođđa kristtalaš lihkadusaide sihke oskkuhisvuhtii. |
S2 |
||
T4 bagadallat oahppi dovdat sierra oskkuid ja oainnuid vieruid ja symbolaid sihke dovdat kristtalaš fáttáid medias, máilmmipolitihkas, dáidagis ja populárakultuvrras |
Oahpásmuvvat sierra oskkuid ja oainnuid vieruide ja symbolaide. Ohcat kristtalaš fáttáid medias, máilmmipolitihkas, dáidagis ja populárakultuvrras. |
S1 ja S2 |
||
T5 bagadallat oahppi áicat ja árvvoštallat iešguđetlágan ákkastallama vugiid sihke oskku ja diehtaga giela gaskasaš erohusaid |
Geahčadallat oskku ja dieđu sihke kristtalaš giela ja dieđalaš giela gaskasaš erohusaid. Čiekŋudat oskkuid ja oainnuid gaskasaš dialoga áddema oassin oskkuid gaskasaš doaimma ja máilmmiráfi. |