DUODJI

Čuovvut váldegottálaš ja guovloguovdásaš oahppoplána

Duodji jahkeluohkáin 1-2

Duoji doaibman lea addit oahppiide vejolašvuođa ovdanbuktit iežas plánejeaddjin, válmmašteaddjin ja árvvoštallin.

Oahppi oahpahuvvo oahpásmuvvat duoji sierra materiálaide ja teknihkáide máŋggabealagit.

Duoji bajásgeassinulbmilin lea oahpahit oahppi arvvusatnit iežas ja nuppiid barggu. Lassin dat stivre oahppiid áddet kultuvrraid máŋggabealatvuođa ja ovttaveardásašvuiođa.

Duoji oahpahusa ulbmilat jahkeluohkáin 1-2

1. Roahkasmahttit oahppi duddjot
2. Addit oahppái gárvvisvuođa plánet persovnnalaš duoji roahkasmahttimiin su hutkat ja iskkadit
3. Oahpahit oahppi iskkadit dorvvolaččat earálágan bargovugiid ja materiálaid.
4. Doarjut oahppi árvvusatnit iežas ja dovdat buorre miela duddjonproseassa áigge ja gárvves duodji duojárin.
5. Oahpásmahttit oahppi sámi duodjeárbevirrui, dan ivdnemáilbmái, materiálaide ja bargovugiide.
6. Oahpahit árvvusatnit lagaš birrasa luonddumateriálaid duodjemateriálaid ođđasitatnima ja bistevaš ovdáneami.

Duoji ulbmiliidda gullet guovddáš sisdoalut jahkeluohkáin 1-2.

Sisdoaluid sáhttá deattuhit sierra vugiiguin, goittotge nu, ahte oahppit oahpásmuvvet luohkáid 1-2 áigge máŋggabealagit duodjemateriálaide ja bargovugiide.

Maiddái jagiáiggit ja ávvubeaivvit galget vuhtiiváldot lunddolaččat duoji oahpahusas.

Duoji sisdoalut leat juhkkon hutkamii, iskkadeapmái, plánemii, bargamii, dokumenteremii ja árvvoštallamii.

Hutkan: Duoji hutkkus sáhttá bohciidit iežas dovdomáilmmis, lagaš birrasis dahje miellagovahusmáilmmis, dego máidnasiin. Hutkamii veahkkin oahppi oahpásmuvvá vuođđohámiide, ornameanttaide ja máŋggabealat govvamateriálaide. Hutkama sáhttá hárjehallat maiddái joavkkus.

Iskkadeapmi: Duoji oahpahusas iskkadat sierra materiálaid ja bargovugiid máŋggabealagit.

Materiálaid sáhttá juohkit dipma (láiggit ja gággát) ja garra (bábir, metálla, dákti ja muorra) materiálaide. Materiálaide oahpásmuvvat ee. dutkamiin daid iešvuođaid, ráhkadusa ja geavahanvejolašvuođaid.

Plánen: Plánema lea álkkimus álggahit omd. duodjemateriála ivnni válljemiin. Dasto sáhttá plánegoahtit minstara ja málle. Plánendáidduid lassánettiin sáhttá vuolggasadjin leat problemačoavdin dahje atnudárkkuhus.

Dehálaš lea ahte oahppi oažžu doarvái doarjaga ja jođiheami vai barggu plánen vuolgá bures johtui.

Bargan: Duoji oahpahus lea váldoáššis doaimma jođiheapmi, dego heahkkalastin- dahje návlenoahpahus. Danin oahpahus galgá leat ráfálaš ja roahkasmahtti.

Duoji guovddáš bargovuogit

Láigeduojit: bárgen, botnjan ja diehpi duddjon
-gággá herven: vaffelgággá herven, gággá deaddin

-Goarrun: gieđaiguin goarrun, árppu coggan nálločalbmái, čuolmma ráhkadeapmi, jed.
-minstara sárgun ja dan mielde vadjan ja goarrun

Gođđin: herven ráma sisti

Duhppen
Muorraduodji: mihtideapmi, návlen, sahán, sadjin, pussen ja málen

Metálladuodji: metállaárppu sojaheapmi ja botken

Dákteduodji: -pussen, geallan ja herven

Náhkkeduodji: vadjan, liibmen

Buđaldallan: báhpára gaikun, čuohppan, ráigan ja liibmen

-duhppen

-huksen dahje ráhkadeapmi

Duoji oahppanbirrasiidda ja bargovugiide laktaseaddji ulbmilat jahkeluohkáin 1-2

Oahpahusas geavahat tekstiiladuoji ja teknihkálaš duoji bargolanjaid lassin maiddái vejolaččat earáge bargobirrasiid ovdamearkkadihtii luonddubirrasa. Maiddái skuvlla olggobeale duojáriid luhtti guossástallamat ja sin jođihusas bargan dahje duddjon doarju duoji oahpahusa ulbmiliid.

Oahpahat oahppi geavahit bargobiergasiid dorvvolaččat ja seailluhit daid iežaset sajiin. Lassin bargobirrasa dorvvolašvuođas fuolahat čorgemiin dan diimmu loahpas.

Jođiheapmi, sierranastin ja doarjja jahkeluohkáin 1-2

Oahpahusas vŧhtiiváldit oahppiid earálágan gárvvisvuođaid duoji plánemii ja duddjomii. Juohkehaš galgá oažžut doarvái áiggi ja roahkasmahtti stivrema. Bargu galgá beassat njuovžilit johtui ja ovdánit nu ahte oahppi sáhttá luohttit iežas dáidduide ja oažžut duoji gárvvisin.

 Oahppi oahppama árvvoštallan duojis jahkeluohkáin 1-2

Árvvoštallamis deattuhuvvo miehtemielalaš máhcahaga addin oppa duodjeproseassa áigge. Máŋggabealat duoji oahpahusain fállat oahppái vejolašvuođa iežas nanuvuođaid ovddideapmái. Oahppit oahpásmahttojuvvojit árvvoštallat iežaset oahppama ja dahkat veardádallanárvvoštallama máŋgga eará láhkai.