Oahppoávnnas álgá vuoleskuvlla goalmmát luohkás. Oahppoávdnasa oahpahusas deattihuvvo dan váljavuohta. Ulbmilin lea ahte oahppi máhttá oahpaheaddji vehkiin plánet ja ollašuhttit oktageardánis dujiid. Oahppi oahpásmuvvá báikkálaš materiálaide ja sáhttá daid geavahit bargguinis. Oahppi oahppá maiddái háhkat materiálaid. Materiálan sáhttet leat vaikkoba muorra, dákti, báhkki, čoarvi, beassi, bárku ja náhkki.

Plánemis deattuhuvvo báikkálaš atnubiergasiid ráhkadeapmi. Oahppiid duojit sáhttet leat vaikkoba árbevirolaš vuogi mielde duddjojuvvon dearpanfiellu oktan veahčiriin mainna basteoaivi (vuogga) ráhkaduvvo lohppii. Eará vejolaš duojit sáhttet leat omd. vuoggaáŋkora, metállavuokka dahje biikka duddjon. Ja lassin sáhttá duddjot earáge báikkálaš árbevirolaš dujiid.

Duoji oahpaheames lea buorre maiddái oahpásmuvvat báikkálaš duojáriidda báikki aldi. Oahpásmuvvan báikkálaš duodjekultuvrii sáhttá dáhpáhuvvat maiddái nu ahte bovde duojára skuvlii guossin. Oahppi sáhttá dalle duddjot smávva duoji árbevirolaš báikkálaš bargovugiiguin. Dákkár bargovuogit leat omd. muora ávnnasteapmi ákšuin ja buvkkuin.

Teknihkálaš válljenduodjái lea buorre lasihit maiddái árgabeaivvi gieđa dáidduid. Dakkár dáiddut leat omd. sihkkela divodeapmi ja oahppi sáhttá ruovttus buktit smávva biergasiid mat gáibidit fuolahusa ja divodeami.