Gielddalaš oahppaplána

RUOŦAGIELLA, B1-OAHPPOMEARRI JAHKELUOHKÁIN 7 - 9

Oahppiid roahkasmahttit geavahit ruoŧagiela máŋggabealat vuorrováikkuheamis ja dieđuskáhppomis. Oahpahusa mihttomearrin lea doarjut oahppi jahkeluohkáin 3-6 juksojuvvon dáidduid čiekŋudeamis, ovddidit oahppi gielalaš árvvoštallannávccaid ja seammás ovddidit su gielastuderendáidduid. Kultuvrralaš máŋggaláganvuođa áddema čiekŋudit guorahallamiin iešguđetlágan giellaservošiidda laktáseaddji árvočanuslaš albmonemiid. Maid dovdduid gieđahallamii addit saji, ja dárbbu mielde váttis áššiid sáhttit gieđahallat maiddái skuvlla oahpahusgielain.

Ruoŧagiela B1-oahppomeari oahpahusa mihttomearit jahkeluohkáin 7-9

Oahpahusa mihttomearit	Mihttomeriide laktáseaddji sisdoallosuorggit	Mihttomeriide laktáseaddji báikkálaš sisdoallosuorggit	Viiddes máhttin
Šaddan kultuvrralaš máŋggaláganvuhtii ja gielladiđolašvuhtii
T1 bagadit oahppi oahpásmuvvat davviriikkalaš giellabirrasii sihke Davviriikkaid ovttasteaddji árvvuide	S1	BS1	L2, L5
T2 bagadit oahppi áicat, makkár njuolggadusat ruoŧagielas leat, mo seammá áššiid dadjat eará gielain sihke geavahit gielladieđu doahpagiid oahppama doarjjan	S1		L1, L4
Gielastuderendáiddut
T3 roahkasmahttit oahppi ásahit mihttomeriid, atnit ávkin máŋggabealat vugiid oahppat giela ja árvvoštallat oahppamis iehčanasat ja ovttasbarggus sihke bagadit oahppi positiiva vuorrováikkuheapmái, mas deaŧaleamos lea kommunikašuvnna sirdin.	S2		L1
T4 movttiidahttit oahppi áicat vejolašvuođaid geavahit ruoŧagiela iežas eallimisttis ja bagadit oahppi geavahit ruoŧagiela roahkkadit iešguđetlágan dilálašvuođain skuvllas ja skuvlla olggobealde	S2	BS2	L2, L7
Ovdáneaddji gielladáidu, dáidu doaibmat vuorrováikkuhusas
T5 ortnet oahppái dilálašvuođaid hárjehallat sierra gulahallankanálaid geavahemiin njálmmálaš ja čálalaš vuorrováikkuheami	S3	BS3	L4
T6 doarjut oahppi gielalaš gulahallanstrategiijaid geavaheamis	S3	BS2	L2, L4
T7 veahkehit oahppi viiddidit ustitlaš gielageavaheapmái gullevaš dajaldagaid dovdamuša	S3		L2, L4, L6
Ovdáneaddji gielladáidu ja dáidu dulkot teavsttaid
T8 roahkasmahttit oahppi dulkot ahkedássái vuogas ja iežas mielageasuheaddji hállojuvvon ja čállojuvvon teavsttaid	S3		L4
Ovdáneaddji gielladáidu, dáidu buvttadit teavsttaid
T9 fállat oahppái valjis dilálašvuođaid hárjehallat smávvalágan hállama ja čállima iešguđetlágan fáttáid birra giddemiin fuopmášumi maid jietnadeapmái ja teavstta sisdoalu dáfus deaŧaleamos ráhkadagaide	S3	BS3	L4, L5

Ruoŧagiela B1- oahppomeari oahpahusa mihttomeriide laktáseaddji guovddáš sisdoallosuorggit jahkeluohkáin 7-9

S1 Šaddan kultuvrralaš máŋggaláganvuhtii ja gielladiđolašvuhtii: Bargat ja raporteret áiccuid davviriikkalaš gielageavahanbirrasiin, Suoma, Ruoŧa ja eará Davviriikkaid kultuvrra stiilaiešvugiid birra sihke Davviriikkaid ovttasteaddji áššiid birra. Áiccadit suomaruoŧa- ja ruoŧaruoŧagiela earuhusaid sihke veardidit ruoŧagiela oahppiid ovdal studeren gielaide. Geavahit dakkár gielladieđu doahpagiid, mat veahkehit oahppiid gielaid gaskasaš veardádallamis ja ruoŧagiela studeremis.

S2 Gielastuderendáiddut: Geavahit iešguđetlágan studerenstrategiijaid, oahppamateriálaid ja oahppanbirrasiid beaktilit ja studerenmotivašuvnna nannejeaddji vugiin. Geavahit iehčanas, sitkadis barggadeapmái ja kritihkalaš dieđuskáhppomii bagadeaddji doaibmavugiid. Hárjehallat vuorrováikkuhandáidduid ja roahkasmahttit oahppiid máŋggabealat giela geavaheapmái iešguđetlágan dilálašvuođain.

S3 Ovdáneaddji gielladáidu, dáidu doaibmat vuorrováikkuhusas, dáidu dulkot teavsttaid, dáidu buvttadit teavsttaid: Sisdoaluid válljedettiin geahččanguovlun lea nuoraid doaibman ruoŧagielain sierra servošiin, áigeguovdilvuohta, oahppiid beroštumi čuozáhagat, mielastuvvan nuppi dási oahpuide sihke oahpásmuvvan nuoraid bargoeallimis ja studeremis dárbbašlaš gielladáidui. Sátneráju ja ráhkadagaid oahpahallat máŋggalágan teavsttain. Hárjehallat valjis iešguđetlágan vuorrováikkuhandilálašvuođaid atnimiin ávkin sierra gulahallankanálaid.

BS1 Váldit vuhtii norggagiela sajádaga Ohcejoga gielddas ja veardidit ruoŧa- ja norggagiela gaskaneaset.
BS2 Oahpahallat fuopmášit, mo norggagiella oidno iešguđetlágan árgabeaivvi oktavuođain ja váldit vuhtii norgga- ja ruoŧagiela gaskasaš oktavuođa. Deattuhit ruoŧagiela deaŧalašvuođa gulahallangaskaoapmin norgalaččaiguin.
BS3 Čiekŋudit Lappii ja mátkkošteapmái/turismii sihke boazodollui laktáseaddji vuođđosátneráju ja hárjehallat vuorrováikkuhandilálašvuođaid. Vuorrováikkuhandilálašvuođain hárjehallat goitge dearvvaheami, iežas ovdanbuktima ja ságaid muitaleami. Lassin oahppi oahpahallá muitalit iežas vásáhusmáilbmái gullevaš árgabeaiáššiid birra. Ráhkadagain oahpahallat goitge vearbbaid sierra áigehámiid, váldo- ja siidocealkaga sátneortnet, imperatiiva, konditionála, futura, s-passiiva, adjektiivvaid veardádallan ja ortnetlogut.