Latine

Gymnasium introducendum

Gymnasium Loioense (Lohjan Yhteislyseon lukio) in clivo Arcti in vicinitate aedium urbanarum nomine Monkola situm est. Ab anno 1914 gymnasium pars magni ponderis historiae Loioensae est. (Vide paginam historicam scholae ) Anno 1954 in clivo Arcti assurrexit domus scholastica ab architecto Aarne Ervi delineata. Quod aedificium architectura functionale illo tempore maximum erat omnium domuum scholasticarum publicarum superiorum in Terris septentrionalibus.

Anno 1988 domus scholastica penitus renovata est. Quo facto domus scholastica tota in usum gymnasii recepta est. Anno 1991 in iisdem sedibus linea vespertina (ab anno 1994 linea adulta nominata) operam suam incepit.

Annis 2008-2009 domus scholastica iterum renovata est ut gymnasium respondere posset postulationibus quas numerus crescens studentium technologiaque nova afferunt. In vicinitate gymnasii stadium tectum nomine Tennari locum praebet et ad scholas athleticas habendas et ad tentamina examinis maturitatis instituenda.

Ab anno 2002 Panu Ruoste munere rectoris Gymnasii Loioensis fungitur. Saeculo vicesimo primo numerus studentium gymnasii circiter 700 fuit. Quotannis in medio 200 studentes in examine maturitatis approbantur.

Gymnasium Loioense respondet desideriis institutoriis amplissimae regionis. Studentes igitur etiam ex aliis communibus quam tantum ex urbe Loioensi in gymnasium Loioensem veniunt, exempli causa ex communibus Karjalohja, Siuntio, Inkoo et Nummi-Pusula. Oblatio cursuum gymnasii varia amplaque est. Studentes exempli gratia inter septem exteros sermones linguas eligere possunt (lingua Latina, lingua Anglica, lingua Germanica, lingua Hispanica, lingua Francogallica, lingua Italiana et lingua Russica).

Omnibus artibus magna varietas cursuum est. Omnis studens studiorum rationem suam habet, ex qua cognoscere potest aut speciali studio amplecti artes quae sibi cordi sint.

In Gymnasio Loioensi licet quoque studentibus in examine duplici approbari in cooperatione cum Sede institutoria Nylandiae occiduae (Länsi-Uudenmaan koulutuskeskus), Instituto studiorum Lacus citharae Finnicae (Kanneljärven opisto), Instituto athletico Saxi lusorum (Kisakallion urheiluopisto) et TTS-instituto. Studentibus qui cursum athletae meritorii petunt studiorum rationes singulares praebentur quae ad exercitationes athleticas se accommodant.

Sententiola Gymnasii Loioensis: Scire aude, optare aude, vivere aude!

Peda.net käyttää vain välttämättömiä evästeitä istunnon ylläpitämiseen ja anonyymiin tekniseen tilastointiin. Peda.net ei koskaan käytä evästeitä markkinointiin tai kerää yksilöityjä tilastoja. Lisää tietoa evästeistä