1. Loga materiála dahje vuođđodeavstta fuolalaččat.
-mas leat ovttaoaivilis?
-mii boktá jurdagiid, heahkastuhttá dahje imaštahttá?
-makkár ođđa dieđut ovdanbuktojuvvojit?

2. Pláne essea jurddakárttain dahje listtuin.
-suokkardala, makkár ođđa jurdagiid ja oaiviliid dus leat materiála fáttás
-smiehta,mot ákkástalat
-mearrit, mii lea esseat guovddášjurdda: ráddje dárbbu mielde

3. Pláne čujuheamiid materiálii
-mearrit, muitalatgo čálli jurdagiid iežat sániiguin vai geavahatgo njuolggositáhtaid
-muitte, ahte materiálas galgá muitalit preseanssas

4. Mearrit esseat ráhkadusa
-smiehta, makkár ordnegis čálát áššiin
-pláne sihke álgo- ja loahpahanbihtá
-hutkka bajilčállosa, mii muitala juoidá fáttás ja iežat geahččanguovllus. Ale bija materiála bajilčallosa esseat bajilčálusin!

5. Čále esseat
-ovdanbuvtte materiála čálli oaivejurdaga lohkkái esseat álgobealde
-go čujuhat vuosttas háve materiálii, de máinnaš čálli ovda- ja sohkanama, materiála deasktašlája, bajilčállosa sihke almmustuvvanbáiki- ja áigi.

6. Bivdde máhcahaga ja dievasmahte esseat ja váldde vuhtii makkár máhcahaga leat ožžon.