Potentiála lea modus, mii gahčá dakkára, mii lea vejolaš, muhto ii sihkkar, dahje dat almmuha eahpeluohttámuša. Hupmangielas potentiála sajis geavahuvvojit dávjá sánit, soaitá, várra, dáidá, vissa jna.

Diđešgo Ánde diesa vástádusa?

Lešgo Biera muitán gávppis fitnat?

Bođešbat áhčči gal otne?

Ležžetgo Liissás ruđat vuolgit mátkái?

Muhtumin lea muđui eahpesihkkarvuohta, dahje doaivva. Omd:

Mo leš dálki váris?

In dieđe, vaikko leš Máret bassan lihtiid.

Ánne ja Biera gárvodeažžaba bures go várrái vuolgiba.

Dieinna herggiin don de vuittežat heargegilvvus.

Liissá ruđat gal oležit ainjuo ovtta luopmomátkái.

Potentiálas sáhttá leat mielde ávžžuhus. Omd:

Ánne dat finadeš gávppis!

Oaččot dán nuvttá, juos fuolažat.

Juos leažžat vuolgimin, de allot šat ájahala!

Potentiála geavahuvvo maid sávaldagas várrugas vuogi mielde:

Juos leaččan eallimin, de finan boahtte dálvvege guossis.

Juos gottežehpet guoli, de addet munnjege bihtá.

Juos gulažat maidige, de muitaleaččat munnjege!

Eará:

Mus leat liigesuohkut, juos eai leačča datge njuoskan.

Vaikko leš láhppon dohko duoddarii!

Dieđe maid leaččat dadjan dan olmmošrihpui