= (gohččunvuohki)
- Dábálaččat gevrejuvvo nuppi/goalmmát olmmoš (ii sáhte gevret iežas dahkat juoida!!)

Dábálamosit imperatiiva geavahuvvo gohččut ja gieldit.

Omd: Boađe deikke!

Oro jaska!

Viečča muoraid!

Ale bala!

Alli gielis!

Maiddái ávžžuhit:

Omd: Muital munnjege, mo de geavai!

Jugisteahkki káfe, ovdalgo vuolgibeahtti!

Gohččut sáhttá maid ustitlaččat. Dalle geavahuvvojit bárahisstávalvearbbat, omd:

boađestit > boađes deikke

finadit > finat min geahčen

orustit > oros siivvus

Maiddái sáhttá geavahit dihto gehčosiid lidnet gohččuma, omd –mat. Bárahisstávvalvearbbaiguinge oažžu gohččuma čábbábun:

Orusmat diekko! (orustit)

Giddesmat uvssa! (giddestit)

Dieđusge sáhttá lasihit : leage buorre, leahkki buorit, leahkket buorit!

Leage buorre ja čohkán dása!