Čálli pláne álggos deavsttas sisdoalu ja mearridan dan maŋŋel áššiid ovdanbuktinortnega dehe ráhkadusa. Go deavstta ráhkadus lea čielggas, de lohkki lea álki čuovvut deavstta jurdaga čađa deavstta.

Sierra deakstašlájaide soahpá sierralágan ráhkadus. Ovdamearkka dihte láibunrávvagiin áššit ovdanbuktojuvvojit áigeortnegis dehe dan ortnegis go bargu galgá dahkkojuvvot. Ođđasis fas dehálašvuođaortnet, nappo deaksta álgá deháleamos áššis ja ovdána dasa, mii ii leat nu dehálaš. Muhtumin sierra ráhkadusčovdosiid sáhttá ovttastahttit deavstta siste.