Teáhterčájálmas ja filbma sulastahttet máŋggaládje nubbi nuppi: dat muitalit, fállet eallámušaid ja boktet geahččis jurdagiid ja dovdduid. Sihke teáhteris ja filmmain muitalusat muitaluvvojit eanemustá neavttáriid hupmamiin ja doaimmain. Lávdehábmen, rollabiktasat, sminken, čuovggat ja jienat addet miellagovaid muitalusa birrasis ja atmosfearas.

Filmmain ja teáhteris leat maid erohusat. Geahčči geahččanguovllus čielgaseamos erohus lea geahččandilálašvuohta. FIlbma lea álohii seammalágán, geahčat dasto gos ja goas beare. Teáhterčájálmas ii leat goassige juste seammalágan, go čájálmas dahkkojuvvo álohii ođđasit ja sierra čájálmasháviin geahččit molsašuvvet. Reakšuvnnat fas váikkuhit iešguđet gearddis neavttára rollabargui.

BAGADALLI DUDDJO MÁNUSIS DUOJI

Teáhterčájálmasa ja filmma vuođđun lea mánus, man dahká mánusčálli. Mánus čohkiida vuorrosániin dahje parantesas dahje lávderávvagiin.

Filmma mánnosis sierralágan rávvagat leat eambbo go teáhterčájálmas mánnosis. Lávdedáhpáhusaid álggus máinnašuvvo govvejuvvogo olgun vai siste. Dábálaččat galgá guorahallat dárkilit govvenbáikkiid ja -čiegaid, go filbmenbeaivvit leat divrasat ja stuora bargojoavkkut.

Bagadalli jođiha teáhterčájálmasa ja filmma bargojoavkku. Son lea dábálaččat mearrideame rollaid juogadeamis ja neavttáriid válljemis. Son mearrida maiddái maid neavttárat barget lávddis dahje kamera ovddas. Dan lassin bagadalli gulahallá geažos áigge bivsttasteaddji, lávdehábmejeaddji, sminkejeaddi sihke čuovga- ja jietnaplánejeddjiin. Bagadalli sáhttá ovdamearkka dihte plánet makkár jienaiguin sáhtášii buktit vaikkoba stuoragávpoga dovddu lávdái.

(Särmä 9, s. 58 vuođul jorgalan MM)