Dollojuvvo oahppiiguin diimmu fáddái guoskevaš liekkadallan.

a) Goapmirat sealggi duohken oktii. Nubbi giehta bajábeale ja nubbi vuolábeale. Geahččaluvvo goabbat bealde. Olletgo gieđat oktii?

á) Fanahallan: Láhttái čohkkedit: Oahppit sodjalahttet ovddosguvlui juolggit njuolga ja geahččalit olahit juolgesuorbmagežiid. Lađđasiid lihkadeapmi lea hui dehálaš duvdda- ja lihkadanorgánaid ortnegisdoallama dáfus. Lađđasat galget leat jámma lihkadeamen, vai bissot ortnegis.

b) Hárduid ruvvenriekkis: Oahppit mannet riekkisin, mas guhtege ruvve su ovddabealde čuožžu hárduid. Seammás sáhttá ságastallat hárdobákčasiin ja daid sivain.